ઇકો ક્લબ એ શું છે? ઇકો ક્લબ ની પ્રવુતિઓII.Eco club all informeshan 2022 -2023.II Eco club aheval mahiti

👫Eco club પરિપત્ર અને સમજૂતી એનેક્સર માસ વાઈઝ આયોજન માટે અહીંયા clik કરો 2021

👉ઇકો કલબ નું વાર્ષિક આયોજન

માસ વાઈઝ નીચે મુજબ કરી શકાય

ઇકો કલબ અંક

👆 ઇકોકલબ વિશેનો ખૂબ સુંદર અંક. જેમાં ઝીણીમાં ઝીણી અને ઉપયોગી બાબતોનો ખૂબ સુંદર સમન્વય કરેલ છે. પ્રિન્ટ કરી સાચવી રાખવા જેવો અંક.

ભૂમિકા

શિક્ષણની વિસ્તરતી ક્ષિતિજોએ વિકાસશીલ દેશો માટે વિવિધ સમસ્યાઓ પ્રત્યે જાગૃત થઈ વિકાસયાત્રા વધુ સરળ બનાવવા તરફ ધ્યાન દોર્યું છે અને એટલે જ કમ્પ્યૂટર શિક્ષણ, વસતીશિક્ષણ, ઊર્જા શિક્ષણ, પર્યાવરણ શિક્ષણના નવા ક્ષેત્રો તરફ અભ્યાસીઓ આકર્ષાયા છે. નવા અભ્યાસક્રમોની સંરચના સમયે અભ્યાસક્રમ ઘડનારાઓએ આ પ્રકારના નવા વિષયોના સ્વરૂપ, વ્યાપ અને કાર્યક્ષેત્ર જેવા એકમોને અભ્યાસક્રમમાં સ્થાન આપ્યું છે. આ પૈકીનું એક ક્ષેત્ર એટલે પર્યાવરણ શિક્ષણ.

વ્યક્તિએ પોતાની આજુબાજુ રહેલી ઘણી બાબતો સાથે પ્રત્યક્ષ કે પરોક્ષ રીતે વ્યવહાર કરવાનો હોય છે. આપણી આસપાસની બાબતોમાં કેટલાક ભૌતિક અને કેટલાક સજીવ ધટકોનો સમાવેશ થાય છે. આ દુનિયામાં પર્યાવરણની ગતિવિધિને કારણે માનવીનું જીવનકાર્ય વધુને વધુ સરળ થઈ શક્યું છે. સૂર્યોદય થતાં જ પર્યાવરણના ઘટકો પરસ્પર સહકાર સાધી ચેતન સૃષ્ટિમાં જીવંતતા લાવે છે. દુનિયામાં વસતીવધારો અને માનવીની પ્રકૃતિ વિરોધની દોટને કારણે પર્યાવરણનો પ્રશ્ન ભારે વિકટ બન્યો છે. ધરતી એ પ્રાણીઓ અને વનસ્પતિઓનું નિવાસસ્થાન છે.
વર્ષ 1986માં જાપાનમાં હિરોશીમા ખાતે અભ્યાસક્રમ સુધારણા ઉપર એક આંતરરાષ્ટ્રીય પરિષદમાં ડૉ. ગુણવંત શાહે Gandhi and Global Peace પર એક પેપર રજૂ કર્યું હતું, જેમાં વૈશ્વિક ચાર સમસ્યાઓ પરત્વે ચિંતા વ્યક્ત કરવામાં આવી હતી, તેમાંની એક સમસ્યા એટલે પર્યાવરણ સાથે અસંતુલન (કુદરત સાથે હિંસા).
પર્યાવરણ સમતુલાનો પ્રશ્ન એ આજે એક વૈશ્વિક સમસ્યા બની ચૂકી છે. દિવસે દિવસે પ્રદૂષણ વધવાથી તેના વિપરીત પરિણામોએ લોકોને વિચારતા કરી મૂક્યા છે. આ સંદર્ભે વર્ષ 2001 માં એક કૉન્ફરન્સ યોજાઈ હતી જેમાં પર્યાવરણ સમતુલા જાળવવા અને લોકજાગૃતિ માટે નેશનલ ગ્રીન કૉપર્સનો મુદ્દો ચર્ચવામાં આવ્યો હતો. ભારતની સર્વોચ્ચ અદાલતે પણ આ પ્રકારની પ્રવર્તમાન પરિસ્થિતિ પ્રત્યે ચિંતા વ્યક્ત કરીને તમામ પ્રકારના અભ્યાસક્રમોમાં પર્યાવરણને એક વિષય તરીકે દાખલ કરવા માટે હિમાયત કરી છે.
આપણે સૌ પર્યાવરણના એક ભાગ છીએ. પર્યાવરણ તરફના આપણા દ્રષ્ટિકોણમાં ફેરફાર લાવી ઘણા પર્યાવરણીય પ્રશ્નો હલ થઈ શકે તેમ છે. આપણા વિસ્તારને ચોખ્ખો રાખીને અને વસ્તુઓના પુનઃ ઉપયોગથી કુદરતી સ્રોતનું જતન કરીએ. 100 કરોડની વસતીવાળા આ દેશમાં આ બાબત ત્વરિત ફેરફાર થઈ શકે નહીં. પરંતુ બાળકો દ્વારા સમાજની વર્તણૂંકમાં ફેરફાર કરી શકાય. બાળકોમાં સ્વા હોતો નથી અને તેઓના મનમાં નવા વિચારો સહેલાઈથી આપી શકાય છે. તેઓ આપણું ભવિષ્ય છે. દરેક બાળક પોતાના કુટુંબમાં અગત્યની અસર ઉપજાવી શકે છે. તેથી ભારત સરકાર દ્વારા દેશના તમામ જિલ્લાઓમાં ઇકો ક્લબની સ્થાપના કરવાનો નિર્ણય કરવામાં આવ્યો. આ અંતર્ગત રાજ્યની માધ્યમિક શાળાઓમાં ઇકો ક્લબની પ્રવૃત્તિઓ ચાલી રહી છે. આ કાર્યક્રમને વધુ વેગવાન અને અસરકારક બનાવવા માટે જીસીઈઆરટી, ગાંધીનગરના માધ્યમથી રાજ્યની પ્રાથમિક શાળાઓમાં ઇકો ક્લબની સ્થાપના કરી બાળકો અને યુવાનો દ્વારા સમાજમાં પ્રકૃતિ અને પર્યાવરણ પ્રત્યે જાગૃતિ લાવવાના પ્રયત્નો વેગવંત કરવા માટે સહિયારા પુરુષાર્થની શરૂઆત કરવામાં આવી.

ઇકો ક્લબની મહત્ત્વની બાબતો

પ્રાથમિક શાળાના બાળકો અને શિક્ષકોની બનેલી ઇકો ક્લબ સમાજને વધુ ઉપયોગી બને એ માટે નીચેના જેવી બાબતો મુખ્ય છે :

♦ ઘન કચરાનો નિકાલ.
♦ પ્રદૂષણ અટકાવવામાં મદદરૂપ થવું.
જળ બચાવ અને જળ-વ્યવસ્થાપન કામગીરી.
• નાગરિક સુવિધાઓમાં મદદરૂપ થવું.
♦ શાળા દ્વારા વૃક્ષારોપણ.
♦ જાહેર બાગબગીચાની જાળવણી.
♦ પર્યાવરણની સુધારણાના કાર્યક્રમોમાં વલણ અને અભિરુચિ કેળવવા માટે મૈત્રીભર્યો લોકઅભિગમ. • જમીન અને ભેજ સંરક્ષણ અંગેની જાગૃતિ કેળવવી.